Fréttir

Tveggja vikna sundnámskeiði 1. -4. bekkjar lýkur á morgun.

Loks kom veður til að halda í skíðaferð í Hlíðarfjall.

Reykjahlíðarskóli óskar eftir: Skólaliða tímabundið í 50% starf, sem fyrst Aðstoð í eldhúsi í 50% - 60% starf, tímabundið 7. - 31. maí

Áhugasviðsdagar Reykjahlíðarskóla stóðu yfir 28. og 29. febrúar og 1. mars. Á þeim dögum vinna allir nemendur skólans að sínum áhugasviðum og fá þá að skipuleggja dagana sína sjálfir með aðstoð kennara og foreldra.

Það var vel við hæfi á röndótta/litríka degi Reykjahlíðarskóla að fulltrúar foreldrafélags skólanna, þau Karen og Benedikt Orri, færðu okkur fána fjölbreytileikans að gjöf. Fáni fjölbreytileikans minnir okkur á það að ekki eru allir eins og allir eiga rétt á að vera eins og þeir vilja vera, án þess að meiða aðra. Við þökkum kærlega fyrir gjöfina og munum finna fánanum góðan stað hérna innandyra hjá okkur þar sem hann er ekki gerður fyrir flaggstöng í íslensku veðurfari.

Þann 7. febrúar fór fram skákmót Reykjahlíðarskóla. Keppt var í tveimur flokkum, yngri (1.-4. bekkur) og eldri (5.-9. bekkur) og notast var við Monrad kerfið. Nemendur höfðu verið duglegir að æfa sig að tefla og kunna langflestir mannganginn. Mótið gekk afar vel og stóðu nemendur sig af stakri prýði. Veitt voru viðurkenningarskjöl fyrir þátttöku auk þess sem þrjú efstu í hvorum flokki fengu sérstaka viðurkenningu, viðurkenningarnar voru veittar viku síðar eða á öskudaginn eins og sjá má á meðfylgjandi mynd.