Vorhátíð og útskirft
Vorhátíð leikskólans Yls var loksins haldin í blíðskaparveðri. Fresta þurfti henni vegna veðurs, enda var allt á kaf í snjó 4.júní þegar hátíðin átti að vera.
Á vorhátíðinni var boðið upp á dýrindis veitingar og nemendur leikskólans sungu og dönsuðu ásamt því að elstu nemendur leikskólans, meistarahópur, útskrifuðust. Að athöfninni lokinni var boðið upp á hoppukastala, hestaferðir við íþróttavöll, andlitsmálningu og tatto sem vakti mikla kátínu hjá nemendum.
Dagurinn var virkilega vel heppnaður og þökkum við foreldrafélaginu kærlega fyrir að taka þátt í þessu með okkur.
Það er óhætt að segja að allir hafi farið glaðir heim í lok dags, bæði nemendur og fullorðnir.
Að lokum viljum við þakka Meisturum fyrir samfylgdina síðustu ár og hlökkum til að fylgjast með þeim stíga sín fyrstu skref í grunnskólanum.