Fréttir

Nemendur og starfsfólk skólans tóku þátt í hugleiðsludeginum 9. okt. og höfðum við 7 mínútna hugleiðslu í salnum saman. Hugleiðsludagurinn hefur það markmið að veita börnum tækifæra til að læra meira um hugleiðslu og æfa sig í henni. Hugleiðsla er kærkomin aðferð við að lægja öldur hugans, auka sjálfsmildi, finna hjartamiðun og komast í innri kyrrð.

Dagana 4. sept - 2. okt tókum við þátt í verkefninu Göngum í skólann. Allir nemendur voru hvattir til að ganga eða nota annan virkan ferðamáta í skólann þessa daga. Nemendur í skólabíl tóku einnig þátt en skólabíllinn stoppaði nokkrum sinnum við gatnamótin og nemendur gengu göngustíginn í skólann. Fyrsta föstudag verkefnisins hvöttum við alla til að vera vel sýnileg og vera í appelsínugulum fötum. Það heppnaðist vel og gaman að sjá hvað margir tóku þátt. Innan verkefnisins vorum við einnig með Ólympíuhlaupið þar sem nemendur skólans hlupu og gengu samtals 237 km. 

Föstudaginn 20. september fóru nemendur í 3. -6. bekk niður í Þingeyjarskóla til að taka þátt í sagnasmiðju með rithöfundunum Sverri Norland og Kristínu Rögnu Gunnarsdóttur. Viðburðurinn var á vegum verkefnisins List fyrir alla.